Breaking News

#Corsica – L’inguernu s’hè stallatu più chè mai nanta à a Corsica

E seguite di u timpurale incù cundizione di circulazione difficiule sta mane torna … A neve tocca a Balagna è a regione di Calvi. Di fattu, l’arnesi sò ubligatori nanta à a Balanina. Arnesi ubligatori dinò in Vizzavona per e vitture … Ma a circulazione hè per u mumentu interdeta à i camiò. I servizi di a culletività territuriale travaglianu d’altr’onde tra Casamozza è Ponte Leccia, induve u cotru he prisente … Infine, si viaghja di manera nurmale indè a foce di San Giorghju è quella di Celaccia … Sta mane torna, s’arricumanda dunque assai prudenza se vo pigliate a strada … Cunsiquenza diretta di se gattive cundizione di circulazione, u cunsiliu generale cismuntincu ùn assigurerà oghje i trasporti sculari … Cusì sarà dinò à Pumonte, in Alta Rocca, inde l’altu Taravu e inde u settore di Vicu… Infine, sempre in Balagna, u volu tra Calvi è Marseglia prugrammatu sta mane à sette ore hè statu ritardatu per via di u gattivu tempu. Neve, cotru è dunque freddu si sò stallati di manera durabule nantu à a Corsica … cundizione particulare chì hanu purtatu l’autorità à mette in opera u livelu dui di u pianu freddu maiò … Tutti i centri d’accolta di a regione sò aperti. Ma per via d’una dumanda assai impurtanta, c’he tuccatu à l’autorita à truvà suluzione incu une pocche d’alberghi per riceve tutti quelli chì ùn hanu casa.  (RCFM)

 

Vous aimez cet article ? Faîtes-en profiter vos amis !
Faites passer l’information autours de vous en cliquant sur

Produit CORSU E RIBELLU

bandeauribelluteeshirt (1)

Produits à partir de 13e

WP2Social Auto Publish Powered By : XYZScripts.com
error: