Produit CORSU E RIBELLU

X

(Unità Naziunale Publié le 28 septembre 2018 à 17h25) PATRIOTTI si filicitighja di u sustegnu purtatu à i nosci u ghjornu di u so prucessu. Issu sustegnu manifistatu in ogni locu di Corsica ramenta a u Statu francesu chi l’impegnu di a riprissioni sarà sempri ricusatu da i forzi sanu di u nosciu populu.

PATRIOTTI ringrazia particularmenti tutti ‘ssi ghjovani chi sò falati in carrughju e davanti à  a prifittura francesa par muscià a so ditirminazioni accant’à noi. Ùn puddemu che essa felici di u so muvimentu sapendu chi dopu à noi, sò iddi chi hani da cuntinuà à suminà i granedda di a libertà.

Tocca à te o ghjuventù chi l’avvena sé tu ! 

A mubilizzazioni un devi calà. Altri prucessi è altri mumenti di riprissioni hani da vena. Dumandemu à ugnunu di tena vigilenza è di tena si prontu di pettu à l’apparechju pulizieru e ghjudiziaru francesu.. Par contu nosciu, u missaghju he orami capitu da tutti : Semu chivi !

PATRIOTTI ringrazia dinò à tutti i forzi pulitichi, sindicali, assuciativi e tutti i parsoni (eletti o no) chi ci hani, sustinutu chjaramenti. Di pettu à u disprezzu culuniali, hè tempu oghji di mossa patriottica!

I nosci lotti sò i vosci libartà!

PATRIOTTI
U 28 di sittembri di u 2018