Produit CORSU E RIBELLU

X

(Unità Naziunale Publié le 17 septembre 2018 à 16h48) O Madama a Cunsigliera Esecutiva in carica di l’insignamentu, O Sgiò Cunsiglieru Esecutivu in carica di a lingua,

U 2 di nuvembre 2016, u presidente di l’Esecutivu G. Simeoni, u rettore di l’epica Ph. Lacombe è u prefettu di tandu B. Schmeltz anu firmatu una cunvenzione rilativa à u sviluppu di l’insignamentu di a lingua corsa.

L’ogettivi eranu ambiziosi : à l’accorta

• In numeri di zitelli in bislinguu : 2/3 di i zitelli à u primariu, 35% à u cullegiu è 20% à u liceu ;
• In quantità d’insignamentu : almenu 10 ore à simana in lingua corsa ;
• In qualità d’insignamentu : furmazione di l’insignenti di u primariu è di u segundariu ;
• In insignamentu di lingua detta regiunale : generalizazione di e 3 ore reglementarie à u primariu, 75% di i zitelli in cullegiu è 50% in liceu ;
• In risorse umane : u duppiamentu di u numeru d’insignenti abilitati, un ricruttamentu al minima à a metà di prufessore di e scole cuncorsu specificu, è tutti i posti frezzati occupati da prufessori abilitati.

Ancu s’ella ùn rispundia micca à u nostru scopu di generalizazione di l’insignamentu in lingua corsa, ss’ogettivi ci parianu un bon principiu, s’è no eramu ghjunti à ste fine in 2021 cum’ella era prevista. Ma, viste e statistiche, ci ghjunghje u penseru…

commandez en ligne vos produits « Corsu è Ribellu » du siècle dernier

Annu scorsu, 40% di i zitelli du primariu ùn avianu micca e 3 ore prumesse, i tassi di zitelli in bislinguu eranu solu di 40% in primariu, 20% in cullegiu è menu di 1% in liceu, sia una crescita di menu di 5% in 2018/O2/059 generale dapoi u 2016, quand’ella hè stata firmata sta cunvenzione.

Allora, e mo piccule cunniscenze in matematiche mi portanu à dumandammi : cumu fà per ottene una crescita di 20% in 5 anni s’è in dui anni, ùn ci riescimu à francà in 5% ? In sta cunvenzione, era dinò quistione in l’articulu 11 di a creazione d’un Cunsigliu Academicu Territuriale, in cogestione frà a nostra Cullettività è u Ritturatu, per seguità a messa in piazza di e pruposte è l’avanzate à u livellu di a quantità cum’è di a qualità di l’insignamentu.

Ma per u mumentu, Cunsigliu Academicu Territuriale, ùn ci n’hè ! Ci pudete dì induv’è ne sò e dimarchje per a so creazione ? Per compie, ssi pochi anni, avemu quantunque ottenutu qualchì prugressu da a parte di u Ritturatu : u Grande Pianu di furmazione di l’insignenti di primu gradu è l’agregazione di Lingua Corsa. Ma ancu quessi, ùn ci parenu chè prugressi rilativi…

• Ùn n’avemu nisun ritornu d’infurmazione à nantu à l’efficienze effettiva di stu Grande Pianu : hè veramente crisciutu u numeru di prufessori abilitati di u primu gradu ? È quellu di prufessori abbastanza cursofoni per assicurà e 3 ore à simana ?
• A cunvenzione parlava di furmà tutti i prufessori, quelli di u secundariu dinò. Allora induv’è ne hè a nostra dumanda d’un pianu listessu per i prufessori di u secondu gradu ?
• Dopu à una prima sessione d’agregazione in 2018, pare chì ùn ci ne sia una seconda in 2019.

Cumu si face ?

In fine, tutte ste dumande ùn sò chè cunsequenze di a mo dumanda principale :

qualessu hè u vostru parè à nantu à e seguite di sta cunvenzione, è chì mettite in ballu per fà chì l’Educazione Naziunale tenissi i so ingagiamenti ?

Anne Tomasi au nom du groupe @FemuaCorsica