Produit CORSU E RIBELLU

X

(Unità Naziunale – 28 septembre 2018) Alain Nicoli nous a quitté il y a 11 ans. Avec lui, c’est une voix et une âme de Canta u Populu Corsu qui s’est éteinte.

On retiendra d’Alain Nicoli, qu’il fut un militant corse de la première heure et l’un des pionniers du groupe Canta U Populu Corsu. Alain Nicoli était de ces hommes qui chantent leur pays et leur idéal avec le cœur et les tripes. (Alta Frequenza)

« Hè venuta l’ora di a spiccanza ma a to voce canterà sempre nant’à l’onde d’Alta Frequenza ».

« U nostru Fratellu è amicu si n’hè andatu » Anna Rocchi u 28 di sittembre di u 2007


En 2017 : 

Paul Turchi-Duriani

10 anni oghje chì Cristu ti hà chjamatu per cantà e so messe in Paradisu.
Ùn t’aghju cunisciutu, tu chì dormi in Santa Pace.
Ma à ogni passu di a mo vita, à ogni stonda, aghju trovu omi degni, omi corsi, omi di stintu è omi di valore chì mi contavanu e to storie.
Cum’una stantara alzata ver’di l’eternu, hai stampatu u to spiritu in sta terra, in core di l’omi valenti.
Parechje messe cantate sò a to lascita, ancu sè certi si ne sò scurdati. Parechje voce di Corsica trovanu a so surghjente indè a to passione di u cantu.
Parechje andature ti devenu a so schiettezza.
Eu ti devu e lacrime chì vecu indè l’ochji di l’omi ch’eu stimu.

Per ste lascite, eu ti dò un verbiu chì sarà u toiu ab eternu: Tramandà.

S’ella mi dà u so accunsentu, pigliu e parolle di a to figliola Agata Nicoli, chì sò e toie:
 » ch’è no siamu sempre nant’una strada diritta è in una Corsica libera è in pace »…
Cù u to lume cume fanale.

Mai ùn ci scurderemu di Alain Nicoli.

A CUNSULTA DI A GHJUVENTU CORSA

Alanu Nicoli, militante di prima trinca è membru di a prima ora di Canta u Populu Corsu s’hè spentu 10 anni fà..  A to voce canterà sempre cù noi !Un abbracciu à a so famiglia, i so amichi è à a so figliola Agata, anziana militante di a Cunsulta di a Ghjuventù Corsa.

Petru Poggioli : Da Corinne, Agata,Nina….. 

« Oghje sò 10 anni chì Alain si n’hè andatu. Site stati accant’à noi in u peghju, c’avete accumpagnate in a prova di a malatia è site stati quì pè u so ultimu viaghju. Mai ùn ci scurderemu.
Era, un babbu, un maritu, un amicu, un militante, un cunfratellu, un San Ghjisippanu inamuratu di a so terra, di a so cità, di u so carrughju… .

Ramintemucci tutt’inseme d’ogni mumentu campatu cù ellu è à u vostru latu, ma dinnù in segnu di sustegnu à tutti quelli è quelle chì lottanu pè a so terra, a so identità, a so lingua o contru à a malatia… U nostru missaghju, Alain l’hà purtatu a so vita sana : nunda è nimu ùn pudurà mai smattà a fiaccula di a vita ch’è no’ avemu in i cori nostri, ch’ella sia l’oppressore, u cancaru, ancu a morte.

Una pinsata tamanta pà Corinne, Agata,Nina è tutt’i soi 
Riposa in Pace