X

L’ottu di ferraghju di u 2012. Si n’hè andatu à l’età di 89 anni, Stefanu Porri u nosciu amicu e militanti di a sizzioni suttanaccia di Corsica Libara.

In a so ghjuventù ha sempri difesu idei di libartà e di spartera. Vultatu in Corsica ha militatu in i muvimenti Naziunali corsi.

Militanti indipindintistu accanitu era di tutti i mubilizzazioni Malgradu i disgrazi accaduti in a so famidda, malgradu i so sfarenti prublemi di saluta, ùn avia micca paura di fà cintinaia di chilomitri pà sustena i militanti vittimi di a riprissioni, o pà participà à i ghjurnati di Corti.

Sempri prisenti à i manifestazioni pà fà sventulà a noscia bandera , sempri prontu à sparghja i nosci idei. Un sminticaremu micca u so surrisu, u so sensu di l’amicizia, è a so energia di ghjuvanottu. Omu è militanti fidu è sinceri, Stefanu Porri firmarà in i nosci cori e in i nosci mimorii è pugnaremu di suvità u so esempiu.

Un ritrattu di i nosciu amicu Stéfanu PORRI smaritu l’8 di friaghju. A cantu a ellu Dumé TAFANI, Marie Claude BRANCA et Bernadette SAULI. Era a « A Teghja » un ghjornu di sutegna a i prighjuneri corsi incacerati in Francia.

 

 

à suivre sur  l'application android Unità Naziunale ou bien sur ce lien mobile (Apple, tablettes...)